ગોધરાના વાવડી બુઝર્ગ ના વૈજનાથ સોસાયટીના મકાનમાં ચાલતા જુગારધામ પર LCB નો દરોડો
ગોધરામાં ગેરકાયદેસર પ્રવૃત્તિઓ સામે પોલીસની કડક કાર્યવાહી ચાલુ છે. ગોધરા LCB પોલીસે એક મોટી સફળતા મેળવી છે. પોલીસને મળેલી બાતમીના આધારે, ગોધરા શહેરના એક જુગારધામ પર દરોડો પાડીને 7 જુગારીઓને ઝડપી પાડ્યા છે.
LCB ની ટીમે ગોધરાના વાવડી બુઝર્ગ ના વૈજનાથ સોસાયટી માં એક બંધ મકાનમાં ચાલતા જુગારધામ પર દરોડો પાડ્યો હતો. આ દરોડા દરમિયાન પોલીસે રોકડ રૂપિયા, મોબાઈલ ફોન અને અન્ય સામગ્રી સહિત ૧૪૦૦૦૦ નો મુદ્દામાલ જપ્ત કર્યો છે. પકડાયેલા જુગારીઓમાંથી મોટાભાગના સ્થાનિક હોવાનું જાણવા મળ્યું છે. પોલીસે આ ઘટના અંગે ગુજરાત પ્રોહિબિશન એક્ટ હેઠળ ગુનો નોંધીને આગળની તપાસ શરૂ કરી છે.
