ABC News Gujarati

 ગોધરા: ભાજપના કમલમ કાર્યાલય ખાતે આગામી સ્થાનિક સ્વરાજ્ય ચૂંટણી માટે સેન્સ પ્રક્રિયા હાથ ધરાઈ   પંચમહાલ જિલ્લામાં 2026ની સ્થાનિક સ્વરાજ્ય ચૂંટણીઓનું કાઉન્ટડાઉન શરૂ થઈ ગયું છે. ગોધરા શહેરમાં ભારતીય જનતા પાર્ટીએ તૈયારીઓ તેજ કરી દીધી છે. ગોધરાના પ્રખ્યાત 'કમલમ' કાર્યાલય ખાતે આગામી ચૂંટણીને લઈને મહત્વપૂર્ણ સેન્સ પ્રક્રિયા હાથ ધરવામાં આવી છે. ગોધરા ખાતે ભાજપના કમલમ કાર્યાલયમાં તાજેતરમાં એક મહત્વની બેઠક યોજાઈ હતી, જેમાં પંચમહાલ જિલ્લાની આગામી સ્થાનિક સ્વરાજ્ય જિલ્લા પંચાયત તાલુકા પંચાયત અને નગરપાલિકાની ચૂંટણીઓ માટે વ્યૂહરચના ઘડવામાં આવી. આ બેઠકમાં ભાજપના જિલ્લા પદાધિકારીઓ, તાલુકા-નગર મંડળના આગેવાનો અને મધ્ય ઝોનના ચૂંટણી ઇન્ચાર્જ સહિત અનેક દિગ્ગજ નેતાઓ ઉપસ્થિત રહ્યા હતા.આ પ્રસંગે ભાજપે ગોધરા નગરપાલિકા તેમજ આસપાસના વિસ્તારોમાં ઉમેદવારોની સંભવિત યાદી, બૂથ સ્તરની તૈયારી અને કાર્યકરોની જવાબદારીઓની સેન્સ પ્રક્રિયા હાથ ધરી હતી.

 ગુજરાત પોલીસ બેડામાં મોટો વહીવટી ફેરફાર! સ્થાનિક સ્વરાજ્યની ચૂંટણીઓ પહેલાં રાજ્યભરમાં 518 PI અને 254 PSIની બઢતી સાથે બદલીના આદેશો જાહેર થયા છે. આ ક્રમમાં  પંચમહાલ જિલ્લામાં પણ 11 પોલીસ ઇન્સ્પેક્ટર ની બદલી કરવામાં આવી છે. ગૃહ વિભાગ અને DGP કચેરી દ્વારા જાહેર કરાયેલા તાજા હુકમ અનુસાર, પંચમહાલ જિલ્લાના વિવિધ પોલીસ સ્ટેશનો અને વિભાગોમાં ફરજ બજાવતા 11 PI અધિકારીઓને અન્ય જગ્યાએ બદલી કરવામાં આવી છે. આ બદલીઓ મુખ્યત્વે વહીવટી કાર્યક્ષમતા વધારવા, કાયદો અને વ્યવસ્થા જાળવવા તેમજ આગામી ચૂંટણીઓમાં તટસ્થતા જાળવવા માટે કરવામાં આવી છે. બદલી પામેલા તમામ અધિકારીઓને તાત્કાલિક અસરથી નવી જગ્યાએ હાજર થવાનો આદેશ આપવામાં આવ્યો છે.   પંચમહાલ જિલ્લા પોલીસ વડા તરફથી પણ આ બદલીઓને વહીવટી જરૂરિયાત તરીકે જોવામાં આવી રહી છે. સ્થાનિક સ્તરે પોલીસ અધિકારીઓમાં આ ફેરફારને લઈને ચર્ચા ચાલી રહી છે. આ પહેલાં પણ પંચમહાલમાં નાના પાયે PI અને PSIની બદલીઓ થઈ ચૂકી છે, પરંતુ આ વખતે રાજ્ય સ્તરે મોટા પાયે બદલીઓ થતાં અસર વધુ જોવા મળી રહી છે.

 પંચમહાલની દિવ્યાંગ શિક્ષિકા આલિયા ખાને ઓડિશામાં જીત્યો બ્રોન્ઝ મેડલ  પંચમહાલ જિલ્લામાંથી એક પ્રેરણાદાયી ખબર આવી છે. દિવ્યાંગ શિક્ષિકા આલિયા ખાને ઓડિશામાં યોજાયેલી સ્પર્ધામાં બ્રોન્ઝ મેડલ જીતીને ગુજરાતનું નામ રોશન કર્યું છે.  આલિયા ખાન પંચમહાલ જિલ્લાની દરૂનિયા સરકારી શાળામાં શિક્ષિકા તરીકે કાર્યરત છે. શારીરિક વિકલાંગતા હોવા છતાં તેઓએ હિંમત અને મહેનતથી આ સિદ્ધિ હાંસલ કરી છે. ઓડિશામાં યોજાયેલી આ રાષ્ટ્રીય કક્ષાની સ્પર્ધામાં તેઓએ ત્રીજું સ્થાન મેળવ્યું અને બ્રોન્ઝ મેડલ પોતાના નામે કર્યો.   આલિયા ખાને જણાવ્યું કે, “શિક્ષિકા તરીકે વિદ્યાર્થીઓને પ્રેરણા આપવા માટે હું પોતે આવા પડકારો સ્વીકારું છું. દિવ્યાંગ હોવું એ અવરોધ નથી, પરંતુ તક છે.” તેમના આ પ્રદર્શને સમગ્ર પંચમહાલ જિલ્લા અને ગુજરાતમાં ખુશીની લહેર છવાઈ ગઈ છે.  જિલ્લા વહીવટી તંત્ર અને શિક્ષણ વિભાગ તરફથી પણ આલિયા ખાનને અભિનંદન પાઠવવામાં આવ્યા છે. આ સિદ્ધિ દર્શાવે છે કે મહેનત અને સંકલ્પ સાથે કોઈ પણ અવરોધને પાર કરી શકાય છે.  પંચમહાલની આ દિવ્યાંગ શિક્ષિકાની સફળતા હજારો યુવાનો અને વિદ્યાર્થીઓ માટે પ્રેરણારૂપ ...

- રાજ્યમાં પેટ્રોલ-ડીઝલનો પૂરતો જથ્થો ઉપલબ્ધ : - મુખ્યમંત્રી શ્રી ભૂપેન્દ્ર પટેલ - કોઈપણ પ્રકારની અફવાઓથી દોરવાયા વગર કે ગભરાટમાં આવ્યા વગર શાંતિ જાળવવા મુખ્યમંત્રીશ્રીની નમ્ર અપીલ - વૈશ્વિક પરિસ્થિતિ વચ્ચે પણ ઈંધણ પુરવઠો પૂરતો હોવાથી બિનજરૂરી લાઈનો ન લગાવવા જનતાને અનુરોધ

 આજે ગુજરાતભરમાં, ખાસ કરીને પંચમહાલ જિલ્લા સહિત અનેક વિસ્તારોમાં સોશિયલ મીડિયા પર પેટ્રોલ અને ડીઝલની અછતની ફેલાતી અફવાઓને લઈને લોકોમાં અસ મંજસતા જોવા મળી રહી છે. આ અફવાઓને કારણે કેટલાક પેટ્રોલ પંપ પર લાંબી કતારો પણ જોવા મળી છે.પરંતુ રાજ્ય સરકાર અને સંબંધિત તંત્ર દ્વારા સ્પષ્ટ અપીલ કરવામાં આવી છે કે આ તમામ અફવાઓ સંપૂર્ણપણે ખોટી અને બે બાકેફ છે. પેટ્રોલિયમ વિભાગ અને જિલ્લા વહીવટી તંત્રના જણાવ્યા અનુસાર  "પંચમહાલ જિલ્લા સહિત સમગ્ર ગુજરાતમાં પેટ્રોલ અને ડીઝલનો પર્યાપ્ત જથ્થો ઉપલબ્ધ છે. સપ્લાય ચેઇન સંપૂર્ણ રીતે સામાન્ય રહેલ છે અને કોઈ પણ પ્રકારની અછત નથી. લોકોને ગભરાવાની કોઈ જરૂર નથી. ખોટી અફવાઓમાં ન આવવા અને બિનજરૂરી રીતે ઇંધણનો સંગ્રહ ન કરવાની નમ્ર અપીલ છે. આ અફવાઓ મોટેભાગે સોશિયલ મીડિયા પર વાયરલ થતા મેસેજ અને ફોટા-વીડિયોને કારણે ફેલાઈ રહી છે. તંત્રનું કહેવું છે કે આવી પરિસ્થિતિમાં જવાબદાર નાગરિક તરીકે આપણે સાચી માહિતીની ચકાસણી કરીને જ આગળ શેર કરવી જોઈએ. તેથી દરેક નાગરિકને વિનંતી છે કે ખોટી અફવાઓમાં ન આવો   ગભરાઈને વધારાનું સ્ટોક ન કરો   શાંત રહીને સામાન્ય રીત...

 ગુજરાત પોલીસ વિભાગમાં તાજેતરની મોટી બદલીઓના ક્રમમાં પંચમહાલ-ગોધરા રેન્જના પોલીસ મહાનિરીક્ષક (IGP)  આર. વી. અસારીની ભાવનગર રેન્જમાં બદલી થઈ છે. આ બદલીના કારણે ગોધરા પોલીસ તાલીમ ભવન ખાતે તેમના માનમાં ભાવભીનો વિદાય સમારંભ યોજાયો હતો. ગુજરાત સરકારના ગૃહ વિભાગ દ્વારા કરવામાં આવેલા મોટા વહીવટી ફેરબદલમાં ૩૭ આઈપીએસ અધિકારીઓની બદલી થઈ છે. આ ક્રમમાં ૨૦૦૬ બેચના આઈપીએસ અધિકારી  આર. વી. અસારી જેઓ અત્યાર સુધી પંચમહાલ-ગોધરા રેન્જના પોલીસ મહાનિરીક્ષક તરીકે ફરજ બજાવતા હતા, તેમને ભાવનગર રેન્જના પોલીસ મહાનિરીક્ષક તરીકે નિયુક્ત કરવામાં આવ્યા છે.આ બદલીના પગલે આજે ગોધરા ખાતેના પોલીસ તાલીમ ભવનમાં તેમના સન્માન અને વિદાય માટે એક ભાવુક સમારંભનું આયોજન કરવામાં આવ્યું હતું. સમારંભમાં પંચમહાલ-ગોધરા રેન્જના વરિષ્ઠ પોલીસ અધિકારીઓ, DSP, PI, PSI તેમજ તાલીમાર્થી પોલીસ કર્મચારીઓએ ભાગ લીધો હતો.સમારંભ દરમિયાન આર વી અસારીને પુષ્પગુચ્છ, શાલ અને સ્મૃતિચિહ્ન આપીને સન્માનિત કરવામાં આવ્યા. અધિકારીઓએ તેમની કાર્યક્ષમતા, કડક અને ન્યાયપ્રિય વ્યક્તિત્વ તેમજ રેન્જમાં કરેલા અપરાધ નિયંત્રણ અને જનતાની સુરક્ષા માટેના યોગદા...

 પંચમહાલ જિલ્લાની એસઓજી પોલીસે ગોધરા પાસે એક મોટી કાર્યવાહી કરી છે. અહીંથી લગભગ પોણા કરોડ રૂપિયાની  કિંમતની શંકાસ્પદ એમ્બરગ્રીસ (વ્હેલ માછલીની ઉલ્ટી)નો જથ્થો જપ્ત કરી એક વ્યક્તિની ધરપકડ કરી છે.  પંચમહાલમાંથી એક અજીબ અને મોટી ખબર સામે આવી છે. ગોધરા પાસે પંચમહાલ એસઓજી પોલીસે દરોડો પાડીને દરિયાના 'તરતા સોના' તરીકે ઓળખાતી એમ્બરગ્રીસનો શંકાસ્પદ જથ્થો ઝડપ્યો છે. આ જથ્થાની કિંમત 76.80 લાખ રૂપિયા સાથે સુરેશ રાજનસિંહ બારિયાની ધરપકડ કરવામાં આવી છે. ગોધરા તાલુકાના બામરોલી ચોકડી નજીકથી એક વ્યક્તિ ગેરકાયદે રીતે એમ્બરગ્રીસ લઈને નીકળવાનો હોવાની પોલીસને બાતમી મળી હતી. આ પછી પોલીસે બાતમી આધારની જગ્યાએ વોચ ગોઠવી હતી. આ દરમિયાન બાતમી મુજબ એક્ટિવા લઈને પસાર થતાં વ્યક્તિને અટકાવ્યો હતો અને એક્ટિવાની ડેકીની તપાસ કરતાં પીળા રંગની પ્લાસ્ટિકની થેલીમાં સફેદ રંગનો શંકાસ્પદ પદાર્થ મળી આવ્યો હતો, જે વ્હેલ માછલીની ઉલટી એટલે કે એમ્બરગ્રીસ હોવાનું જણાયું હતું.  એમ્બરગ્રીસ એટલે સ્પર્મ વ્હેલ માછલીની ઉલ્ટીમાંથી બનેલો દુર્લભ પદાર્થ, જેનો ઉપયોગ પરફ્યુમ, દવા અને અન્ય ઉચ્ચ કક્ષાના ઉત્પાદનોમાં થાય છે.